მედია ექსპერტი ია ანთაძე ტელეკომპანია „რუსთავი 2“–ის დაყადაღების საკითხს ეხმაურება. 
როგორც ია ანთაძე „ფეისბუქის“ საკუთარ გვერდზე წერს, ქიბარ ხალვაში „რუსთავი 2“–ს პირადად ამუშავებდა, როგორც პარტიულ ტელევიზიას.

მედია ექსპერტის შეფასებით,   ტელეკომპანია დღესაც ისეთივე მიკერძოებულია, როგორც გასული წლების განმავლობაში. 

„არასოდეს მნიშვნელობას არ დაკარგავს ის ფაქტი, რომ ქიბარ ხალვაში არის ადამიანი, რომელიც პირადად მონაწილეობდა "რუსთავი 2"-თან დაკავშირებულ აღებმიცემობაში და რომელიც "რუსთავი 2"-ს ამუშავებდა, როგორც პარტიულ ტელევიზიას. ამიტომ, მისგან - საღი აზრის ფარგლებში - ვერ მექნება მოლოდინი, რომ მომავალში რამე სხვას იზამს. 
 იმის მიუხედავად, რომ დღევანდელი "რუსთავი 2" არის ხელისუფლების მიმართ ოპოზიციური ტელევიზია, ის დღესაც ისეთივე მიკერძოებულია, როგორიც გასული წლების განმავლობაში იყო - ამიტომ, ამ ტელევიზიისგან რაიმე საზოგადოებრივი სარგებელი არის თითქმის "ნულის" ტოლი. 
 "რუსთავი 2"-ს თავის ოქროს ხანაში, როდესაც ეს იყო კრიტიკული, მაგრამ არა პარტიული ტელევიზია, ფლობდნენ და მართავდნენ ადამიანები, რომლებიც დღესაც იბრძვიან დაკარგული საკუთრების დასაბრუნებლად. ცხადია, ვგულისხმობ დავით დვალს და ჯარჯი აქიმიძეს. მე მჯერა, რომ თუ სასამართლო პროცესი კანონიერად წარიმართება, სწორედ ისინი (ხალვაშთან ერთად) გახდებიან ტელევიზიის მფლობელები და თუ მათ ხელში მოხვდება "საკონტროლო პაკეტი", მივიღებთ ნამდვილად მაღალ სტანდარტზე ორიენტირებულ ტელევიზიას. ამის იმედიც მაქვს გამოცდილებასა და საღ აზრზე დაყრდნობით“, – აღნიშნა ია ანთაძემ. 

მისივე თქმით, „რუსთავი 2“–ის დაყადაღების საკითხს პოლიტიკური სარჩული აქვს. 

„ არ მჯერა, რომ ხელისუფლებისთვის სულერთია, ვის ხელში იქნება "რუსთავი 2" საარჩევნო წელს და, ამიტომ, რაგინდ დაფარული იყოს ხელისუფლების მონაწილეობა ამ ტელევიზიის მფლობელობის საკითხის გადაწყვეტიაში, ცხადია, საკითხს აქვს და ყოველთვის ექნება პოლტიკური "სარჩული". ამიტომ, საუბარი იმის შესახებ, რომ მფლობელობის საკითხი მხოლოდ სამართლებრივი შინაარსის არის და მხოლოდ სამართლებრივ ველზე წყდება - არ მიმაჩნია გულწრფელად და ადეკვატურად. და ბოლოს,  თუ ტელევიზია მაინცდამაინც უნდა იყოს მიკერძოებული, ჯობია, მის ეთერში ისმოდეს ხელისუფლების კრიტიკა, ვიდრე - ხელისუფლების ქება“, – განაცხადა ანთაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება