საპარლამენტო უმრავლესობის მიერ საარჩევნო ოლქების დაკომპლექტების შესახებ პარლამენტის თავმჯდომარის მოადგილე, გიორგი კახიანმა ტვ„იმედის“ ეთერში ისაუბრა და აღნიშნა, რომ საარჩევნო ოლქების განაწილებისას ძირითადი ყურადღება თანასწორობის პრინციპის დაცვაზე გამახვილდება.

„ჩვენ, პირველ რიგში, უნდა გამოვიდეთ იქიდან, რომ თანასწორობის პრინციპი იყოს უზრუნველყოფილი, თუმცა ის, რომ ოლქების რაოდენობა შემცირებულია, გულისხმობს, რომ ძალიან გამსხვილდა ცალკეული ოლქის მასშტაბი. შესაბამისად, თითოეულ ოლქში დაახლოებით, 115 ათასი ამომრჩეველი იქნება. რა თქმა უნდა, ზუსტად ამ ციფრის დაცვა შეუძლებელია და დაახლოებით გადახრა იქნება 15%-ის ფარგლებში. მთავარია, რომ ოლქებს შორის ამომრჩეველთა რაოდენობის გათვალისწინებით თანასწორობის პრინციპი იყოს დაცული ისე, როგორც ამის შესაძლებლობას ჩვენი ქვეყნის გეოგრაფია მოგვცემს. ამ ეტაპზე უკვე ითქვა, რომელ რეგიონში რამდენი ოლქი იქნება და ეს ციფრები ბევრ რამეზე მეტყველებს. მაგალითად როდესაც ითქვა, რომ თბილისში 22-ის ნაცვლად 7 ოლქი იქნება, ეს გულისხმობს იმას, რომ ეს ოლქები ძალიან გამსხვილდება. როდესაც კონსტიტუციური კანონის პროექტის ინიცირება მოხდება იქ გაიწერება კონკრეტული ოლქების საზღვრები. განხილვის პროცესში ამაზე იქნება მსჯელობა, მაგრამ ეჭვი მეპარება, რაიმე ცვლილებების შესაძლებლობა იყოს. მსჯელობა ყოველთვის შეიძლება და ჩვენ ამისთვის გახსნილები ვართ “, - განაცხადა გიორგი კახიანმა.

პარლამენტის თავმჯდომარის მოადგილემ საარჩევნო კანონმდებლობაზე მუშაობის გაგრძელებაზე ისაუბრა და აღნიშნა, რომ კონსტიტუციური ცვლილებების პარალელურად საარჩევნო კანონმდებლობის ცვლილებებიც განხორციელდება.

„ეს პროცესი უკვე დაწყებული იყო და მისი განხილვა გაგრძელება, მათ შორის ეუთო/ოდირის რეკომენდაციების და საერთაშორისო სტანდარტების მაქსიმალურად დაცვით ჩვენს კანონმდებლობაში შესაბამისი ცვლილებები აისახება. დარწმუნებული ვარ არჩევნები სამართლიან და დემოკრატიულ გარემოში წარიმართება“, - აღნიშნა გიორგი კახიანმა.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა