„შეეშვან ზაზა სარალიძეს ის პოლიტიკური ძალები, არასამთავრობო ორგანიზაციები, რომელთა მიზანი არის დესტაბილიზაცია“, -  ამის შესახებ მიხეილ კალანდიას ადვოკატმა, ზურაბ თოდუამ, საქალაქო სასამართლოში მომხდარი ინციდენტის შემდეგ, ჟურნალისტებს განუცხადა.

ადვოკატის თქმით, აღნიშნულ საქმეს კონკრეტული პირები მათი მერკანტელური, პოლიტიკური მიზნების დასაკმაყოფილებლად იყენებენ.

„ჯერ კიდევ არიან ამ საქმის უკან მდგომი ისეთი ძალები, ვისაც აინტერესებს დესტაბილიზაცია და ჭეშმარიტების არდადგენა აღნიშნულ საქმეზე. აქედან გამომდინარე, ვაცხადებ, რომ შეეშვან ზაზა სარალიძეს ის პოლიტიკური ძალები, არასამთავრობო ორგანიზაციები, რომელთა მიზანი არის დესტაბილიზაცია და ამ საქმის გამოყენება მათი ვიწრო მერკანტილური, პოლიტიკური მიზნების დასაკმაყოფილებლად“, – განაცხადა ზურაბ თოდუამ.

შეგახსენებთ, დღეს თბილისის საქალაქო სასამართლოში, სადაც დავით სარალიძის მკვლელობაში ბრალდებული მიხეილ კალანდიას საქმე განიხილებოდა, ზაზა სარალიძესა და მიხეილ კალანდიას მამას შორის დაპირისპირება მოხდა. აღნიშნული მას შემდეგ დაიწყო, რაც მოწმის დაკითხვისას ზაზა სარალიძემ პროტესტის ნიშნად დარბაზი დატოვა, რასაც მიხეილ კალანდიას მამისა და ძმის უკმაყოფილება მოჰყვა. თეიმურაზ და ლუკა კალანდიები ზაზა სარალიძეს დარბაზიდან გაეკიდნენ. ინციდენტის განმუხტვა სასამართლოს მანდატურის სამსახურის ჩარევით გახდა შესაძლებელი

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს