„პრეზიდენტის აქცენტები შეწყალების პრინციპებთან დაკავშირებით იყო სწორი და სახელმწიფოებრივი“,  - ასე შეაფასა პარლამენტის თავმჯდომარე არჩილ თალაკვაძემ საქართველოს პრეზიდენტის, სალომე ზურაბიშვილის მიერ მსჯავრდებულების შეწყალების საკითხი.

მისი თქმით, აღნიშნული გადაწყვეტილება პრეზიდენტმა ნამდვილად დამოუკიდებლად მიიღო.

„ქალბატონმა პრეზიდენტმა გააკეთა სწორი და სახელმწიფოებრივი  აქცენტები. ეს გადაწყვეტილება ნამდვილად არის მისი დამოუკიდებელი გადაწყვეტილება. კონსტიტუციით და კანონმდებლობით პრეზიდენტს აქვს დისკრეცია რომ თავად მიიღოს შეწყალებასთან დაკავშირებით გადაწყვეტილება. როგორც ჩანს, ბევრი საქმე იყო განხილული. მე არ ვიცნობ პერსონალურად იმ საქმეებს და იმ ადამიანების საქმეებს, ვინც მიმართეს პრეზიდენტს შეწყალების თხოვნით, თუმცა მინდა გითხრათ, რომ პრეზიდენტის აქცენტები შეწყალების პრინციპებთან დაკავშირებით იყო სწორი და სახელმწიფოებრივი“, - განაცხადა თალაკვაძემ.

შეგახსენებთ, რომ დღეს, საქართველოს პრეზიდენტმა სალომე ზურაბიშვილმა მსჯავრდებულების საშობაო შეწყალების აქტი გამოსცა, რომლის მიხედვითაც პრეზიდენტმა 5 პატიმარი შეიწყალა. აღსანიშნავია, რომ შეწყალებულთა სიაში ე.წ. ციანიდის საქმეზე მსჯავრდებული, დეკანოზი გიორგი მამალაძე არ მოხდა.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით