2019-10-25 12:59:57, 913 ნახვა
კომენტარი
ხაზარაძე „პროგრესბანკზე“: პრობლემა არის სებ-სა და პროკურატურაში, ისრები სხვაგან ნუ გადაგაქვთ
საზოგადოებრივი მოძრაობა "ლელოს" ლიდერი მამუკა ხაზარაძე "პროგრეს ბანკთან" დაკავშირებით მედიაში გავრცელებულ დოკუმენტს ეხმაურება.
მისი თქმით, პრობლემას ეროვნულ ბანკში, ფინანსური მონიტორინგსა და პროკურატურაში უნდა ვეძებოთ.
"ეძებეთ პრობლემა იქ, სადაც არის - პრობლემა არის ეროვნულ ბანკში, პრობლემა არის ფინანსური მონიტორინგის სამსახურში, პრობლემა არის პროკურატურაში და ნუ გადაგაქვთ ისრები სხვაგან. ყველა ოპერაცია საქართველოში 30 000 ლარის ოდენობით ექვემდებარება მონიტორინგს. ჩვენ ვლაპარაკობთ ბანკზე, რომლის პარტნიორი იყო რუსეთში ფულის გათეთრებაში ორჯერ შემჩნეული ბატონი გავრილოვი და მისი პარტნიორები საქართველოში. იქ ეძებეთ პრობლემა", - განაცხადა მამუკა ხაზარაძემ.
მოამზადა ლიკა ბესელიამ
ავტორი: ექსპრესნიუსი,
epn.ge (@expressnews.ge)
