ევროპის სამეზობლო პოლიტიკისა და გაფართოების საკითხებში ევროკომისარი იოჰანეს ჰანი აცხადებს, რომ ევროკავშირი საქართველოს მხარდაჭერას აგრძელებს. 

როგორც ევროკომისარმა პრემიერ-მინისტრ გიორგი გახარიასთან ერთობლივ ბრიფინგზე განაცხადა, ძალიან მნიშვნელოვანია, რომ საქართველოს დემოკრატიული წინსვლა გააგრძელოს. მისივე თქმით, საქართველო რეგიონში მოწინავე პოზიციას იკავებს და იმედი გამოთქვა, რომ ეს მომავალშიც გაგრძელდება. 

"ევროკავშირი და საქართველო ძალიან მჭიდრო მეგობრები და პარტნიორები არიან. პრემიერ-მინისტრთან შეხვედრაზე ვისაუბრეთ იმაზე, რომ ჩვენი პარტნიორობა უნდა გაღრმავდეს, ისეთი პოტენციალის გამოყენებით, რომელიც მომდინარეობს ღრმა და ყოვლისმომცველი თავისუფალი სავაჭრო შეთანხმებით. 

ევროკავშირი რჩება საქართველოს მტკიცე პარტნიოროად. შევთანხმდით, რომ ძალისხმებვა უნდა გაგრძელდეს, განსაკუთრებით სასამართლო სისტემის მიმართულებით. არსებული პროცესი, რომელიც მოსამართლეების დანიშვნისა და შერჩევის საკითხს ეხება, ევროპის ყველა ქვეყნის ყურადღების ცენტრშია. ყველაფერს ვაკეთებთ იმისთვის, რომ აქცენტი გაკეთდეს თანაბარ უფლებებზე. ასევე მნიშვნელოვანია, რომ ეუთოს ყველა რეკომენდაცია შესრულდეს და ეს იქნება გარანტი, რომ ქვეყანა დემოკრატიული გზით განვითარდება. საქართველო ჩვენთვის არის მოწინავე ქვეყანა რეგიონში და გვინდა რომ ეს სტატუსი მომავალში შენარჩუნდეს. ეჭვი არ მაქვს ეს ასეც იქნება. ასევე უცვლელი მხარდაჭერა აქვს საქართველოს ევროკავშირისგან ტერიტორიული მთლიანობისა და სუვერენიტეტის მიმართულებით. ჩვენთვის მნიშვნელოვანია, რომ კონფლიქტის დარეგულირების მიზნით ჟენევის ფორმატმა იმუშავოს და მასში რუსეთი იყოს ჩართული. საქართველო უნდა იყოს ძლიერი და გაერთიანებული", - განაცხადა ევროკომისარმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა