ანაკლიის კონსორციუმი სამეთვალყურეო საბჭოში მამუკა ხაზარაძისა და ბადრი ჯაფარიძის ჩანაცვლებაზე მსჯელობს, - ამის შესახებ კონსორციუმის დირექტორმა ლევან ახვლედიანმა ჟურნალისტებს განუცხადა.

ახვლედიანის თქმით, „თიბისი ბანკის“ დამფუძნებლებს „დიდი რეპუტაციის“ მქონე ადამიანები ჩაანაცვლებენ და ანაკლიის პორტის მშენებლობაზე მთავრობასთან მოლაპარაკებებს ისინი წარუძღვებიან.

„მამუკა და ბადრი აღარ იქნებიან თავმჯდომარე და თავმჯდომარის მოადგილე სამეთვალყურეო საბჭოში. მათ ჩაენაცვლებიან ძალიან დიდი რეპუტაციის ადამიანები, რომლებსაც გამოვაცხადებთ ხვალ და ისინი წაუძღვებიან ამ პროექტს და განსაკუთრებით მთავრობასთან მოლაპარაკებებს შემდგომში. ჩვენი მშენებლობის დაწყება დამოკიდებულია ამ მოლაპარაკებების დასრულებაზე. თუ ეს მოლაპარაკებები წარმატებით არ დასრულდება, მშენებლობა ვერ დაიწყება დროულად. თუ ამას ჩვენ მივაღწევთ, პირველი გემების მიღება მოხდება 2021 წლის ოქტომბრის ბოლოს, თუ არ ვცდები“, - განაცხადა ლევან ახვლედიანმა.

შეგახსენებთ, თიბისი ბანკის დამფუძნებლებმა ბადრი ჯაფარიძემ და მამუკა ხაზარაძემ ანაკლიის კონსორციუმის სამეთვალყურეო საბჭო  ნებაყოფლობით მას შემდეგ დატოვეს, რაც მათ პროკურატურამ 16 754 000 ამერიკული დოლარის უკანონო შემოსავლის ლეგალიზაციაში დასდო ბრალი (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს