უზენაესი სასამართლოს თავმჯდომარის კანდიდატის შერჩევასთან დაკავშირებით, საქართველოს პრეზიდენტისა და "თავისუფალი დემოკრატების" შეხვედრა დასრულდა.

როგორც შეხვედრის დასრულების შემდეგ ფრაქცია "თავისუფალი დემოკრატების" თავმჯდომარე ირაკლი ჩიქოვანმა ჟურნალისტებს განუცხადა, პრეზიდენტთან შეხვედრით კმაყოფილები არიან და კონსულტაციებს ამ საკითხზე მომავალშიც გააგრძელებენ.

რაც შეეხება კანდიდატურას, ჩიქოვანის განმარტებით, დღევანდელ შეხვედრაზე კონკრეტული კანდიდატურების შესახებ საუბარი არ ყოფილა, თუმცა  მისივე თქმით, ეს ეტაპიც დადგება.

"ჩვენ ძალიან კმაყოფილები ვართ იმ შეხვედრით, რომელიც პრეზიდენტთან გაიმართა. ეს არის კონსულტაციების დასაწყისი. ჩვენ შევთანხმდით იმაზე, რომ პრეზიდენტის ინსტიტუტთან   და პრეზიდენტს დაქვემდებარებულ უწყებასთან მჭიდრო კონტაქტი გვექნება, რათა გაგრძელდეს შემდეგში კონსულტაციები. პრეზიდენტი დიდ მნიშვნელობას ანიჭებს იმ პირად დისკრეციას, რომელიც საქართველოს პრეზიდენტს გააჩნია და სურს, მაქსიმალური ჩართულობა უზრუნველყოს  როგორც პოლიტიკური ძალების,  ასევე არასამთავრობო სექტორის. ჩვენ გავაგრძელებთ კონსულტაციებს პრეზიდენტთან და დეტალებს მოგვიანებით გაცნობებთ. კონკრეტულ კანდიდატურებზე არ გვისაუბრია,თუმცა ეს ეტაპიც დადგება და ამასთან დაკავშირებით საზოგადოებას აუცილებლად ვაცნობებთ",-განაცხადა ირაკლი ჩიქოვანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება