2019-07-13 18:39:00, 3301 ნახვა
სამართალი
დეკანოიძის ადვოკატი: გამოკითხვა იყო ფორმალური ხასიათის, ზერელედ მიმდინარეობდა
„თუ რომელ მუხლთან იყო დაკავშირებული დაკითხვა, მაგის თქმა ჩვენ არ შეგვიძლია“, - ამის შესახებ ენმ-ს წევრის, ხატია დეკანოიძის ადვოკატმა, ალექსანდრე მგელაძემ ჟურნალისტებს განუცხადა.
მისი შეფასებით, გამოკითხვა ზერელედ მიმდინარეობდა.
„დაკითხვა იყო ძალიან ფორმალური ხასიათის. არავითარი დამაკონკრეტებელი კითხვა იქ არ დასმულა. გარდა იმისა, რაც ქალბატონ ხატიას საზოგადოებრივი ინფორმაციის საშუალებებით ჰქონდა გაცხადებული. დაკითხვა მიმდინარეობდა საკმაოდ ზერელედ, შესაბამისად, თუ რომელ მუხლთან იყო დაკავშირებული დაკითხვა, მაგის თქმა ჩვენ არ შეგვიძლია“, - აღნიშნა ადვოკატმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
