2019-07-08 11:21:38, 1441 ნახვა
კომენტარი
ვასაძე: დაველოდებით პრაიდს როდის დაანონსებენ, მაინც არ ჩავატარებინებთ
„არანაირი პრაიდი საქართველოში არ ჩატარდება, არ ჩავატარებინებთ“ - ამის შესახებ ბიზნესმენმა ლევან ვასაძემ შინაგან საქმეთა სამინისტროს შენობასთან განაცხადა, სადაც „თბილისი პრაიდს“ „ღირსების მარშის“ გამართვა ჰქონდა დაგეგმილი.
ვასაძის თქმით, ის და მისი მხარდამჭერები ვერის პარკში გადაინაცვლებენ და იქ დაელოდებიან „ღირსების მარშის“ დაანონსებას, რათა ჩატარებას ხელი შეუშალონ.
„არანაირი პრაიდი საქართველოში არასდროს არ ჩატარდება. რახან იყო დაანონსებული,რ ომ აქ აპირებდნენ დღეს დილას შეკრებას მოვედით. ჩვენ არ დავიღლებით. აქედან მივდივართ ვერის ბაღში. ვერის ბაღში მოვა მრავალი ჩვენი მხარდამჭერი. დაველოდებით სანამ ისევ დააანონსებენ და მაინც არ ჩავატარებინებთ“, - ამბობს ვასაძე.
ავტორი: ექსპრესნიუსი,
epn.ge (@expressnews.ge)
