თბილისის საქალაქო სასამართლომ დავით სარალიძის განზრახ ჯგუფურად დამამძიმებელ გარემოებებში მკვლელობის ბრალდებით დაკავებულ მიხეილ კალანდიას აღკვეთის ღონისძიების სახით პატიმრობა შეეფარდა.

დაცვის მხარე კალანდიას გათავისუფლებას ითხოვდა. ადვოკატი აცხადებდა, რომ საქმეში კალანდიას წინააღმდეგ საკმარისი მტკიცებულება არ არსებობს. მოსამართლემ დაცვის მხარის პოზიცია არ გაითვალისწინა და გადაწყვეტილება ბრალდებულის მიერ შესაძლო მიმალვის საფრთხის გამო მიიღო. 

სხდომა დახურულ კარს მიღმა გაიმართა. წინასასამართლო სხდომა 11 ივლისს, 11:00 საათზე ჩაინიშნა.

შეგახსენებთ, რომ დავით სარალიძის მკვლელობაში თანამონაწილეობის ბრალდებით, მიხეილ კალანდია 4 ივნისს დააკავეს. 

"მ.კ.-ს ბრალი წარედგინა საქართველოს სისხლის სამართლის კოდექსის 109-ე მუხლის მე-2 ნაწილის „ბ“ და „ე“ ქვეპუნქტებით გათვალისწინებული დანაშაულის ჩადენისათვის.წინასწარი შეცნობით არასრულწლოვნის, განზრახ, ჯგუფურად მკვლელობის ბრალდებით", - აცხადებენ პროკურატურაში.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მოსკოვის ყველა აეროპორტში ფრენების ჩამოსვლასა და გამგზავრებაზე შეზღუდვებია დაწესებული

პუტინის მეორე იახტამ რუსეთი დატოვა და თურქეთისკენ მიემართება

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს