„პოლიტიკურ რეალობაში რაც მოიმოქმედა „ქართული ოცნების“ უმრავლესობამ არის ვენეციის კომისიის ბოიკოტი, არც მეტი არც ნაკლები“, - ამის შესახებ „ევროპული საქართველოს“ წევრმა გიორგი კანდელაკმა პარლამენტის პლენარულ სხდომაზე განაცხადა, სადაც მოსამართლეების შერჩევასთან დაკავშირებით, საპარლამენტო უმრავლესობის მიერ მომზადებულ კანონპროექტს მესამე მოსმენით განიხილავენ.

როგორც კანდელაკმა აღნიშნა, აუცილებელია, კანონპროექტი მეორე მოსმენაზე დაბრუნდეს.

„ბატონო ირაკლი, როცა გუშინ დარბაზში სიტყვით გამოვიდა ევროსაბჭოს საპარლამენტო ასამბლეის პრეზიდენტი, თქვენ ვრცლად ისაუბრეთ, ხოტბა და საქები სიტყვები არ დაგიშურიათ ევროპის საბჭოს მიმართ და არაერთხელ აღნიშნეთ, რანაირად არის ერთგული დღევანდელი საქართველოს მთავრობა ევროსაბჭოს ფასეულობებისა. მოგეხსენებათ, ვენეციის კომისია არის მართალია დამოუკიდებელი მაგრამ ევროსაბჭოს ნაწილი და რანაირად გამოდის ევროსაბჭოს პატივისცემა თუკი ასეთ ფუნდამენტურ საკითხზე ვენეციის კომისიის ვრცელ რეკომენდაციებს იურიდიულ საკითხთა კომიტეტი არც კი განიხილავს.

პოლიტიკურ რეალობაში რაც მოიმოქმედა „ქართული ოცნების“ უმრავლესობამ არის ვენეციის კომისიის ბოიკოტი, არც მეტი არც ნაკლები. სწორედ ამიტომაც უნდა დავაბრუნოთ მეორე მოსმენაზე ამ კანონპროექტის განხილვა, რომ ვენეციის კომისიას მაინც ვცეთ პატივი და მათი რეკომენდაციები განვიხილოთ“, - განაცხადა გიორგი კანდელაკმა.

ავტორი: ექსპრესნიუსი,

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა