„საერთაშორისო გამჭვირვალობა საქართველოს"  ბოლოდროინდელი განცხადებები და კვლევის შედეგები სულ უფრო და უფრო ემსგავსება პოლიტიკური პარტიის ფორმატს, ვიდრე  ობიექტური არასამთავრობო ორგანიზაციის მტკიცებულებებზე დაფუძნებულ კვლევას" - აცხადებს უმრავლესობის წევრი აკაკი ზოიძე.

დეპუტატის  თქმით, კვლევის შეფასებითი ნაწილი, კითხვის დასმის ფორმა და მისი შედეგების ინტერპრეტაცია ვერ იქნება ობიექტური გამომდინარე იქიდან, რომ სასურველი პასუხი კითხვაშივე დევს.

„თუ კითხვა დაისვა ისე, რომ  კლანი არსებობს და კლანი ცუდია, რა თქმა უნდა ადამიანები გეტყვიან, რომ კლანი ზოგადად ცუდია იმიტომ, რომ ასოცირებულია მაფიასთან, მაფია ასოცირებულია ადამიანების უფლებების დარღვევასთან. არ მგონია,  ასეთი ფორმით კითხვის ფორმულირება  და მერე შედეგების ინტერპრეტაცია სწორი იყოს" – აცხადებს აკაკი ზოიძე.

რაც შეეხება მოსამართლეებთან დაკავშირებულ პროცესს აკაკი ზოიძის თქმით,  საზოგადოებისთვის პროცესი გამჭვირვალე იქნება.

„ჩვენ მაქსიმალურ ძალისხმევას ვახმართ იმას, რომ უზენაეს სასამართლოს მოსამართლეთა გამწესებასთან დაკავშირებული პროცესი გამჭვირვალე იყოს საზოგადოებისთვის. ამერიკული მოდელის მიხედვით მოხდეს თითოეული კანდიდატის საჯარო განხილვა და კანონი, რომელიც ამ პროცესებს განსაზღვრავს, იყოს მაქსიმალური გარანტი იმისა, რომ არსებული საკონსტიტუციო მოწყობის ფარგლებში შეირჩეს ყველაზე კეთილსინდისიერი და პროფესიული რეპუტაციის მქონე მოსამართლეები უზენაეს სასამართლოში. ეს ჩვენი მოვალეობაა.  ამ ფონზე, არასამთავრობო ორგანიზაციის შეფასებები, რომ აქ ყველაფერი კლანია და ამას მტკიცებულებებით არ ამყარებ, არასწორია და პოლიტიკურ შეფასებებს უფრო ჰგავს, ვიდრე ობიექტურს" - აცხადებს აკაკი ზოიძე.  

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას

პირს, რომელიც გორში დედა-შვილს დაეჯახა, პატიმრობა შეეფარდა

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა