ATP-მ ვაჟ ჩოგბურთელთა ახალი რეიტინგი გამოაქვეყნა. როგორც მოსალოდნელი იყო, ქართველი ჩოგბურთელი ნიკოლოზ ბასილაშვილი ორი პოზიციით დაწინაურდა და სიის მე-17 ადგილზე იმყოფება.

საქართველოს პირველი ჩოგანის ანგარიშზე 1930 სარეიტინგო ქულაა. აღსანიშნავია, რომ ბასილაშვილის კარიერის მანძილზე ეს მისი საუკეთესო მაჩვენებელია. აქამდე ATP-ს სიაში ყველაზე მაღალ საფეხურზე, მე-18 ადგილზე ბასილაშვილი მიმდინარე წლის 11 მარტს იმყოფებოდა.

გარდა ამისა, საქართველოს დამოუკიდებლობის ისტორიაში ეს ყველაზე მაღალი შედეგია, რაც კი ქართველმა ჩოგბურთელმა მიაღწია.სიის მე-18 ადგილზე მყოფ იტალიელ ფაბიო ფონინის 1885 ქულა, მე-16 ადგილზე მყოფ იტალიელს მარიო ჩეკინატოს კი 2021 ქულა აქვს.

სიის პირველ სამ პოზიციას ცვლილებები არ შეხებია - პირველ ადგილზე კვლავ სერბი ნოვაკ ჯოკოვიჩია (11070), მეორეზე - ესპანელი რაფაელ ნადალი (8725), მესამეზე კი გერმანელი ალექსანდრ ზვერევი (6040).

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება