საქართველოს თავდაცვის მინისტრი თინათინ ხიდაშელი ბათუმში საერთაშორისო კონფერენციას „საქართველოს ევროპული გზა" ესწრება, რომელიც  ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ორგანიზებით ტარდება.

თავდაცვის სამინისტროს ინფრომაციით, ხიდაშელმა თემატურ სესიაში „აღმოსავლეთ ევროპაში უსაფრთხოებისა და სტაბილურობის განმტკიცების შესაძლებლობები” მიიღო მონაწილეობა. 
უწყების ცნობით, მოდერირებული დისკუსიის თემები იყო ევროპის უსაფრთხოების არქიტექტურა, აღმოსავლეთ ევროპის რეგიონში უსაფრთხოების გამოწვევები, ევროკავშირის რეგიონში მშვიდობისა და სტაბილურობის უზრუნველყოფის ინსტრუმენტები და რუსეთის ბერკეტები აღმოსავლეთ ევროპის ქვეყნების ევროკავშირში ინტეგრაციის შესაჩერებლად.
კონფერენცია „აღმოსავლეთ პარტნიორობის" რიგის სამიტის შედეგების, ევროკავშირთან ასოცირების შესახებ შეთანხმების და მისი ნაწილის, ღრმა და ყოვლისმომცველი თავისუფალი სავაჭრო სივრცის კომპონენტის განხორციელების საკითხების განხილვას ეძღვნება. რეგიონში არსებული გეოპოლიტიკური ვითარების გათვალისწინებით, მნიშვნელოვანი ყურადღება ეთმობა ევროკავშირის აღმოსავლეთ სამეზობლოში უსაფრთხოების გამოწვევებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა