საპარლამენტო უმრავლესობის წევრის გედევან ფოფხაძის განცხადებით, მას მმართველი გუნდის შეხვედრაზე მისვლის სურვილი არ ჰქონდა, თუმცა აპირებს, შეხვედრაზე განხილულ ყველა საკითხზე საკუთარ პოზიციას დააფიქსირებს.

„მიზანი არის ის, რომ არა კანონმდებლობას მოვარგოთ მოცემულობა, არამედ მიზანი არის ის, რომ წესიერი და ღირსეული ადამიანები ავირჩიოთ სასამართლოში. თუ ამ მიზნისთვის უმრავლესობა მზად არის ყველაფერი გააკეთოს, მათ შორის კანონმდებლობაც ისე მოარგოს ამ მიზანს როგორც საჭიროა, ამაზე იქნება დამოკიდებული ყველაფერი. შინაგანი სურვილი აქ მოსვლის არ მქონდა, მაგრამ არ მინდა ვინმემ თქვას, რომ ჩვენ დიალოგს გავურბივართ. პოზიციას დღესაც დავაფიქსირებ. მგონია, რომ პრინციპულია მიზანს არ გადავუხვიოთ. უნდა შევთანხმდეთ, რომ არ შეიძლება კარი ჩაეკეტოს მედიას და საზოგადოებას, ამ საკითხების განხილვის დროს. არ შეიძლება გუნდურობა ითვალისწინებს საუბრებს მხოლოდ „ქართული ოცნების“ ოფისში - ეს საუბრები უნდა იცოდეს საზოგადოებამ, რადგან ყველას ეხება. თუ ასეთი შეზღუდვა იქნება არასწორი. თუ საკითხი ისმება ისე, რომ მე არ უნდა ვისაუბრო გუნდის შიგნით რაზეც ვსაუბრობთ საჯარო სივრცეში და ჩვენ ვერ ვთანხმდებით, ეს შეუთანხმებლობა ჩვენს დისტანცირებას გამოიწვევს. რაზეც იქნება საუბარი გამოვალ და თქვენთან ვილაპარაკებ. თუ ვინმეს მიაჩნია რომ ეს არაგუნდურია, მე მიმაჩნია, რომ სწორედ ეს არის გუნდურობა. აქედან როდის და როგორ წამოვალ, ამაზე უფრო მნიშვნელოვანია ის რაც აქ ხდება ხალხმა იცოდეს“, - განაცხადა გედევან ფოფხაძემ. 

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა