ზოოპარკთან მილის დაზიანების გამო, ვაკისა და საბურთალოს ქუჩების ნაწილს წყალმომარაგება 21:00 საათამდე შეუწყდება

2015-06-17 11:14:45, 470 ნახვა

საზოგადოება

ზოოპარკის მიმდებარე ტერიტორიაზე 900 მმ-იანი მაგისტრალური მილდენის დაზიანების შედეგად, ვაკისა და საბურთალოს ქუჩების ნაწილს წყალმომარაგება 21:00 საათამდე შეუწყდება.
ამის შესახებ კომპანია "ჯორჯიან უოთერ ენდ ფაუერის" მიერ გავრცელებულ განცხადებაშია ნათქვამი.
"ჯორჯიან უოთერ ენდ ფაუერის" ინფორმაციით, ჭავჭავაძის გამზირი N5-ის უკან, სტიქიის ზონაში, ზოოპარკის მიმდებარე ტერიტორიაზე, მძიმე ტექნიკის მუშაობის შედეგად, 900 მმ-იანი მაგისტრალური მილდენი დაზიანდა.
კომპანიის ტექნიკური ბრიგადები უკვე ადგილზეა მობილიზებული, დაწყებულია ქსელების წყლისგან დაცლა, რის შემდეგაც დაზიანების სალიკვიდაციო სამუშაოები ჩატარდება.
წყალმომარაგება საღამოს 9 საათამდე შეუწყდება ვაკისა და საბურთალოს შემდეგ ქუჩების: დოლიძის, ჩიქოვანის, იყალთოს, იყალთოს მთის, პანკისის, ნატახტრის, ბალანჩივაძის, იოსელიანის, ჩაილურის, ტუსკიას, ლიხაურის, წინუბნის, ქარელის, ჭიათურის, ბოლქვაძის, ალექსიძის, ბერბუკის, ტყვარჩელის, აკურის, ბოჭორიშვილის, მიროტაძის, პეკინის, ყაზბეგის, კოსტავას, ჭავჭავაძის, აბაშიძის, ბარნოვის, მელიქიშვილის, კეკელიძის, ფალიაშვილის, თაყაიშვილის, ნაფარეულის, რაფიელ ერისთავის, ბაზალეთის, მცხეთის, ქუთათელაზის, შროშის, ქობულეთის, ჯანიაშვილის, შარტავას, მარაბდის, ტ.ტაბიძის, აბაშელის, მარუხის გმირების, ცხვედაძის, პეტრიაშვილის ატენის ქუჩებს.
"წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ "ჯორჯიან უოთერ ენდ ფაუერის" ოფიციალურ Facebook-გვერდსა და ვებგვერდზე - http://www.georgianwater.com/ka/გადაუდებელი ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ) და ვებგვერდის ინტერნეტ-ჩეთს", - ნათქვამია განცხადებაში.