„რუსთავი 2“-ის ჟურნალისტის, დავით ერაძის საცხოვრებელ სახლს ესროლეს.

ინფორმაციას ტელეკომპანია ავრცელებს.

მათი ცნობით, დაზიანებულია სახლის კარი, ტყვიის მასრა კი აივანზე გდია. ადგილზე მობილიზებულია პოლიცია. შემთხვევა ცოტა ხნის წინ მოხდა.

„როდესაც მეუღლე გავიდა აივანზე, აივნის დასალაგებლად, შეამჩნია ჯერ ნატყვიარი აივნის კარზე და მერე შემთხვევით ნახა მასრა. რომ დავინახე ეს ტყვია, ვუთხარი ისევ დაედო თავის ადგილზე. როდესაც დავრწმუნდი, რომ ეს არ იყო საახალწლო გართობა დავრეკე პოლიციაში. ძალიან მიჭირს რამესთან დაკავშირება, ფაქტია,რომ აქ არის ტყვია და კარს ეტყობა ნატყვიარი“, - ამბობს დავით ერაძე.

როგორც „ექსპრენიუსს“ შინაგან საქმეთა სამინისტროში განუცხადეს, მომხდარზე გამოძიება სსკ-ს 236-ე მუხლით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა ტარებას გულისხმობს. ამ ეტაპზე მიმდინარეობს საგამოძიებო მოქმედებები

ტელეკომპანია მომხდარს დავით ერაძის ერთ-ერთ ბოლო სიუჟეტს უკავშირებს, რომელიც მოჭიდავეების საქმეს ეხებოდა. ვიდეო-მასალა, რომელიც ევროპის ჩემპიონსა და ფედერაციის პრეზიდენტს შორის კონფლიქტს ასახავს დავით ერაძემ მოიპოვა. სიუჟეტის ეთერში გასვლის შემდეგ სამართალდამცველებმა გეგა გეგეშიძე დააპატიმრეს.

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა