2019-01-18 14:24:53, 2204 ნახვა

---

ეკა ბესელიას კობახიძისგან მართლმსაჯულების რეფორმის საკითხებზე შექმნილი ჯგუფის შეხვედრაში მონაწილეობის შესახებ შეტყობინება არ მიუღია

„ქართული ოცნების“ დეპუტატის ეკა ბესელიას განცხადებით, მას პარლამენტის თავმჯდომარისგან ირაკლი კობახიძისგან ამ დრომდე არ მიუღია შეტყობინება მართლმსაჯულების რეფორმის საკითხებზე შექმნილ სამუშაო ჯგუფის შეხვედრაში მონაწილეობის შესახებ.

ბესელიამ ამ ფაქტს დისკრიმინაციად აფასებს და იმედს იტოვებს, რომ ჯგუფში მუშაობის შესაძლებლობა ყველა დეპუტატს მიეცემა.

„ყველამ მიიღო, ვინც იყო აქამდე, როგორ მითხრეს. მათ შორის, როგორც ვიცი, კიდევ ვიღაცები დაემატნენ, მაგრამ არ მიმიღია მე და არც ჩემი აპარატის მოწვეულ სპეციალისტს, ელენე სიჭინავას, რომელიც ასევე თავიდანვე იყო ჩართული ამ სამუშაო ფორმატში. რაღაც დისკრიმინაციულ მიდგომას ჰგავს და მე იმედი მაქვს, რომ შეხვედრის გადაწყვეტამდე, თარიღის გადაწყვეტამდე დრო არის იმისთვის, რომ დროულად მოხდეს ინფორმირება, ჩემიც, მათ შორის“, - ამბობს ეკა ბესელია.

 

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი