„წარმოუდგენელია მგონია, რომ აშშ-ს, ყველაზე ძლიერ სახელმწიფოს, ვინმემ ელჩი დაუბლოკოს“, - ასე გამოეხმაურა საპარლამენტო უმრავლესობის წევრი თამარ ჩუგოშვილი Foreign policy-ის სტატიას, რომელშიც ნათქვამია, რომ საქართველოს მთავრობამ აშშ-ის ელჩის პოსტზე ბრიჯიტ ბრინკის კანდიდატურა დაბლოკა.

ჩუგოშვილის თქმით, მსგავსი ინფორმაცია პირველ რიგში აშშ-ის სახელმწიფო დეპარტამენტს აყენებს შეურაცხყოფას, რომელიც მსოფლიოში ერთ-ერთი ყველაზე ძლიერი ინსტიტუტია.

„ეს კითხვა ძალიან სერიოზულ შეურაცხყოფას აყენებს თვითონ აშშ-ის სახელმწიფო დეპარტამენტს, რომელიც მსოფლიოში ერთ-ერთი ყველაზე ძლიერი ინსტიტუტია. მგონი, მიუღებელია მსგავსი რამ. აშშ-ის ელჩს ვერ დაუბლოკავს ვერავინ ვერსად და ვფიქრობ, ეს ყველამ კარგად იცის და თვითონ აშშ-შიც იციან ძალიან კარგად. შეუძლებელია, ასეთი რამ მოხდეს. აშშ-ს გამოგზავნილი ჰყავს თავისი წარმომადგენელი საქართველოში. ზოგადად, ელჩები საქართველოს გარდა, ბევრ ქვეყანაში არ ჰყავს დანიშნული და ეს თავიანთი საქმეა, მაგრამ რაც შეეხება იმას, რომ აშშ-ს, ყველაზე ძლიერ სახელმწიფოს ვინმემ დაუბლოკოს ელჩი, წარმოუდგენელი მგონია“, – განაცხადა ჩუგოშვილმა.

შეგახსენებთ, Foreign Policy-მა სტატია გამოაქვეყნა, რომელშიც აღნიშნული, რომ საქართველოს მთავრობამ ამერიკის შეერთებული შტატების ელჩის თანამდებობაზე ბრიჯიტ ბრინკის კანდიდატურა დაბლოკა.

ავტორი: ,

სოციალური ქსელები

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით