გურჯაანის მუნიციპალიტეტის სოფელ ვეჯინში „ნაციონალური მოძრაობის“ კოორდინატორის, ელმირა ბეციაშვილის ინფორმაცით, მის საცხოვრებელ სახლში სამი ე.წ. მოლოტოვის კოქტეილი შეაგდეს. 

ელმირა ბეციაშვილის თქმით, აალება მისმა მეუღლემ შენიშნა. შემთხვევის შედეგად არავინ დაშავებულა.   ადგილზე იყნენ პოლიციელები და ექსპერტ-კრიმინალისტები.

„შემთხვევით, ჩემმა მეუღლემ ნახა, რომ ეზოს ბოლოში, სადაც მანქანა დგას, ამავდროულად იდგა სტუმრის მანქანა, რომ იქ რაღაც ანათებდა, გამოიხედა და ნახა, რომ სტუმრის მანქანას ეკიდ​ა ცეცხლი...გადმოგდებულია სამი მინის ბოთლი, რომელშიც არის მაზუთისფერი სითხე და თავები აქვს დამტვრეული, ეტყობა გადმოგდების დროს დაიმტვრა, დაღვრილია სითხე და ეზოს ეკიდა ცეცხლი. მე ვთვლი, რომ ეს არის ღია ბრძოლა, მე მებრძვიან, როგორც პოლიტიკურად აქტიურ ადამიანს, როგორც ნაციონალური მოძრაობის კოორდინატორს. სხვა ვერაფერს ვერ დავარქმევ. აუცილებლად უნდა მოხდეს გამოძიება, მე ამას ბოლომდე ჩავყვები,“ - განაცხადა ელმირა ბეციაშვილმა. 

 "ნაციონალური მოძრაობის" ერთ-ერთი ლიდერი ნიკა მელია  ვეჯინში მომხდარ ფაქტს გამოეხმაურა. მელიას თქმით, ეს ქმედებები დაშინებას ემსახურება. ნიკა მელიას თქმით, მმართველი პარტია ძალადობრივ მეთოდებს მიმართავს და ამის არაერთი მაგალითი არსებობს.

ავტორი: ,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times