„საქართველოს აეროპორტების გაერთიანება“: ქუთაისი-ვარშავას ბორტზე შემოწმება დასრულდა და ცრუ განგაში აღმოჩნდა

2018-10-25 20:14:05, 1330 ნახვა

საზოგადოება

„საქართველოს აეოპორტების გაერთიანება" ქუთაისი-ვარშავას რეისზე, შესაძლო ბომბის შესახებ გავრცელებულ ინფორმაციას ეხმაურება.

როგორც აეროპორტების გაერთიანების განცხადებაშია ნათქვამი, თვითმფრინავი უკვე შემოწმდა და მის ბორტზე ასაფეთქებელი მოწყობილობა არ აღმოჩნდა.

"25 ოქტომბერს „ვიზეარის“ რეისმა W6 1576 ქუთაისი - ვარშავას მიმართულებით ავარიული დაშვება რუმინეთის ქალაქ ბუქარესტში განახორციელა, რისი მიზეზიც ქუთაისის აეროპორტში განხორციელებული საეჭვო სატელეფონო ზარი გახდა. ბორტის წევრებმა იმოქმედეს დადგენილი პროცედურების შესაბამისად და რისკის თავიდან აცილების მიზნით საჰაერო ხომალდის დაუგეგმავი დაშვება განახორციელეს ბუქარესტის აეროპორტში. ყველა მგზავრი და ბორტის წევრი უსაფრთხოდ იქნა გადაყვანილი ხომალდიდან. ამჟამად შემოწმების პროცესი დასრულებულია. აღმოჩნდა ცრუ განგაში. თვითმფრინავი გადაყვანილია სადგომზე და მიმდინარეობს მგზავრების ჩასხდომა", - ნათქვამია განცხადებაში.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები