ადვოკატი - მირზა სუბელიანმა ციხეში თვითმკვლელობა სცადა

2018-10-16 14:21:02, 1396 ნახვა

საზოგადოება

პროკურატურის ყოფილმა მაღალჩინოსანმა მირზა სუბელიანმა სასჯელაღსრულების დაწესებულებაში თვითმკვლელობა სცადა, - ამის შესახებ სუბელიანის ადვოკატმა ეკა ხუციშვილმა განაცხადა.

ადვოკატის ინფორმაციით, მირზა სუბელიანის დაკითხვა მისი ფსიქოლოგიური მდგომარეობის გამო ვერ მოხერხდა.

"გუშინ მირზას სუიციდის მცდელობა ჰქონდა. არის მძიმე ფსიქოლოგიურ მდგომარეობაში. სტრესშია და მისი გამოკითხვა დღეს ვერ მოხერხდა. 4 თვეა სამარტოო საკანში იმყოფება და მის ფსიქიკაზე ამ ყველაფერმა გავლენა მოახდინა",- განაცხადა ეკა ხუციშვილმა.

უფლებადამცველებისთვის უცნობია იგეგმება თუ არა სუბელიანის სამედიცინო დაწესებულებაში გადაყვანა.

დეტალური ინფორმაციისთვის "ექსპრესნიუსი" სპეციალურ პენიტენციურ სამსახურს დაუკავშირდა, თუმცა უწყებაში აღნიშნულ საკითხთან დაკავშირებით კომენტარს არ აკეთებენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები