რუსეთის პატრიარქის პრესმდივნის, ალექსანდრ ვოლკოვის განცხადებით, კონსტანტინოპოლის გადაწყვეტილება კატასტროფულ შედეგს გამოიღებს, განსაკუთრებით კი, უკრაინისთვის. 

რუსეთის საპატრიარქოს შეფასებით, მსოფლიო პატრიარქის გადაწყვეტილება უკანონოა. რუსული მართლმადიდებლური ეკლესია მსოფლიო საპატრიარქოს კავშირის გაწყვეტით ემუქრება.

მოსკოვის პატრიარქის პრესმდივანმა სინოდის განჩინებას კონსტანტინეპოლის მიერ სხვა მართლმადიდებლური ეკლესიის საქმეებში "თავხედური და აგრესიული ჩარევა" უწოდა.

"ეს არის ტრადიციებისა და ეკლესიურობის აღქმის სრული გახლეჩა და, რა თქმა უნდა, რასაც ახლა კონსტანტინოპოლი აკეთებს, კატასტროფულ შედეგებს გამოიწვევს, პირველ რიგში, უკრაინელი მართლმადიდებლებისთვის. რადგან ახლა რაღაც საშინელი დაიწყება", - განაცხადა რუსეთის საპატრიარქოს პრესმდივანმა.

ცნობისთვის, 11 ოქტომბერს კონსტანტინოპოლის მსოფლიო საპატრიარქოს სინოდმა კიევის საპატრიარქოს მეთაურ ფილარეტს კანონიკური სტატუსი აღუდგინა და ანათემა მოეხსნა. სინოდმა ასევე გააუქმა 1686 წლის გადაწყვეტილება, რის მიხედვითაც რუსეთის საპატრიარქოს უფლება მიენიჭა დაენიშნა კიევის ეკლესიის მიტროპოლიტი. 

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა