3 და 4 ოქტომბერს ბრიუსელი ნატო-ს თავდაცვის მინისტერიალს მასპინძლობს. ბრიუსელში დღეს ნატო-საქართველოს კომისიის სხდომა თავდაცვის მინისტრების დონეზე გაიმართება. 

ნატო-საქართველოს კომისიის სხდომა თბილისის დროით 18:15 საათზე ნატოს გენერალური მდივნის იენს სტოლტენბერგის მისასალმებელი სიტყვით გაიხსნება. საქართველოს თავდაცვის მინისტრი ლევან იზორია ნატო-საქართველოს კომისიის სხდომაზე სიტყვით გამოვა და თავდაცვის სფეროში გატარებულ რეფორმებსა და ჩრდილოატლანტიკურ ალიანსთან თანამშრომლობის პერსპექტივებზე ისაუბრებს. 

როგორც ნატოს გენერალურმა მდივანმა აღნიშნა, საქართველო რჩება ერთ-ერთ ყველაზე დიდ კონტრიბუტორად, განსაკუთრებით ავღანეთში. სტოოლტენბერგის ინფორმაციით, ნატო-საქართველოს კომისიის სხდომაზე მინისტრები თანამშრომლობის განვითარებაზე იმსჯელებენ, მათ შორის ნატო-საქართველოს არსებითი პაკეტის იმპლემენტაციზე, ასევე შეეხებიან შავის ზღვის უსაფრთხოების საკითხს, რაც პრიორიტეტს წარმოადგენს როგორც ნატო-სთვის, ისე საქართველოსთვის.  

„ჩვენ ასევე განვიხილავთ გამოწვევებს, რომლებიც შავი ზღვის რეგიონში გვაქვს. ვხედავთ რუსეთის სამხედრო წარმომადგენლობის ზრდას რეგიონში, განსაკუთრებით ყირიმში. ვიმსჯელებთ, როგორ უნდა ვიმუშაოთ შავი ზღვის უსაფრთხოებისთვის. ეს არის საკითხები, რომლებზეც ჩვენ ვიმსჯელეთ ნატო-საქართველოს კომისიის სხდომაზე“, – განაცხადა ნატოს გენმდივანმა.

ნატოს შტაბბინაში მინისტერიალის ფარგლებში, ასევე დაგეგმილია საქართველოს თავდაცვის მინისტრის ორმხრივი შეხვედრები ამერიკელ კოლეგასთან ჯეიმს მეტისსა და ნატოს გენერალურ მდივან იენს სტოლტენბერგთან.  

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის