ეკონომიკისა და მდგრადი განვითარების მინისტრი გიორგი ქობულია ბრიუსელში DCFTA (ღრმა და ყოვლისმომცველი თავისუფალი ვაჭრობის შეთანხმება)-ის პირველ არაფორმალურ მინისტერიალში მონაწილეობს, რომელიც ვაჭრობის საკითხებში ევროკომისრის სესილია მალმსტრომის ინიციატივით იმართება.

მინისტერიალის დაწყებამდე გიორგი ქობულია სესილია მალმსტრომს შეხვდა. მხარეებმა საქართველოს მიერ DCFTA-ის ფარგლებში შეთანხმებული სამოქმედო გეგმის შესრულება და ორმხრივი სავაჭრო-ეკონომიკური კავშირების განვითარების საკითხები განიხილეს.

შეხვედრაზე აღინიშნა, რომ ასოცირების შეთანხმების, მათ შორის DCFTA-ს ეფექტური განხორციელება საქართველოს მთავრობის პრიორიტეტია, ხოლო ღრმა და ყოვლისმომცველი თავისუფალი სავაჭრო სივრცე საქართველოსთვის განსაკუთრებულად მნიშვნელოვანია, რადგან ითვალისწინებს მისი ეკონომიკის ევროკავშირის შიდა ბაზართან ეტაპობრივ ინტეგრაციას, რაც უზრუნველყოფს მსოფლიოს ერთ-ერთი მსხვილი სამომხმარებლო ბაზრის ხელმისაწვდომობას ტარიფებისა და კვოტების გარეშე.

როგორც შეხვედრის შემდეგ საქართველოს ეკონომიკისა და მდგრადი განვითარების მინისტრმა გიორგი ქობულიამ განაცხადა, სავაჭრო საკითხებში ევროკომისართან შეხვედრის ძირითადი თემა იყო იმ პროგრესის განხილვა, რომელიც საქართველოს აქვს ევროსტანდარტების დაკმაყოფილებასთან დაკავშირებით.

 „მინდა აღვნიშნო, რომ ქალბატონი მალმსტრომი მიესალმება და იწონებს ჩვენს მიერ არსებული გეგმის განხორციელებისა და შესრულების ტემპებს. ასევე აღინიშნა ორმხრივი ვაჭრობის მაჩვენებელი ევროკავშირთან, რომლის ზრდამაც, აგვისტოს ჩათვლით, დაახლოებით 12 პროცენტი შეადგინა. ჩვენ ვილაპარაკეთ რამდენიმე გამოწვევაზე, თუ როგორ დავაკმაყოფილოთ ევროკავშირის სტანდარტები მეცხოველეობის სექტორში, რათა ჩვენმა კომპანიებმა, რომლებიც ამ სექტორში მუშაობენ, მაქსიმალურად გაზარდონ ექსპორტი ევროკავშირში. ასევე განვიხილეთ სახელმწიფო შესყიდვების სტანდარტების ზრდა საქართველოში და თუ ჩვენ მივაღწიეთ ორ-სამ თვეში დაგეგმილ შედეგებს და მივიღეთ აკრედიტაცია სახელმწიფო შესყიდვებთან დაკავშირებით, ჩვენი კომპანიები შეძლებენ უკვე ევროპასა და ევროკავშირის ქვეყნებში სახელმწიფო შესყიდვებში მონაწილეობას", - განაცხადა საქართველოს ეკონომიკისა და მდგრადი განვითარების მინისტრმა გიორგი ქობულიამ.

პირველ არაოფიციალურ მინისტერიალში ასევე მონაწილეობენ უკრაინისა და მოლდოვის სამთავრობო დელეგაციები.

(NS)

ავტორი: ,

სოციალური ქსელები

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ

ყირიმში მასშტაბური ტყის ხანძარი გაჩნდა

სიკორსკიმ გააკრიტიკა პოლონეთის რეაქცია „თეთრი არწივის ორდენის“ სკანდალზე

გახარია - ქვეყანაში ოპოზიციაში ყოფნა დღეს ფიზიკური უსაფრთხოების რისკს უკავშირდება