პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაური აცხადებს, რომ ეროვნული ბანკიდან საბანკო ზედამხედველობის გამოყოფის ინიციატივა არ შეიცვლება.

ამის შესახებ მეჭიაურმა ჟურნალისტებს შეხვედრის დასრულების შემდეგ განუცხადა, სადაც დეპუტატები, საბანკო სექტორი და მთავრობის წევრები ეროვნული ბანკიდან ზედამხედველობის ფუნქციის გამოყოფის საკითხს განიხილავდნენ. თამაზ მეჭიაურის თქმით, ბიზნესის მხრიდან რაიმე წინადადების წამოყენების შემთხვევაში, მისი განხილვა მოხდება.

„ინიცირებული ცვლილებები მომავალ კვირაში საკომიტეტო მოსმენებზე გავა, მერე პლენარულ სხდომაზე. რაც შეეხება პრინციპს ზედამხედველობის ფუნქციის გამოყოფის შესახებ, ეს არ ჩასწორდება. დანარჩენი რაც შეეხება ბიზნესის ინტერესებს, თუ რაიმე წინადადება ექნებათ, ყველაფერზე გვექნება მსჯელობა და მივიღებთ ისეთ ვარიანტს, რომელიც ყველა მხარის ინტერესებს გაითვალისწინებს“, - განაცხადა თამაზ მეჭიაურმა.

ცნობისთვის, სასტუმრო „რედისონში“ „ეროვნული ბანკის შესახებ“ საქართველოს ორგანულ კანონში პარლამენტის წევრების მიერ ინიცირებული ცვლილებების თაობაზე შეხვედრა გაიმართა. შეხვედრაში მონაწილეობა კანონპროექტის ავტორებმა, პარლამენტის საფინანსო-საბიუჯეტო კომიტეტის თავმჯდომარემ და საბანკო სფეროს წარმომადგენლებმა მიიღეს. შეხვედრას საქართველოს მთავრობის წარმომადგენლებიც დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო