„გაეროს რეზულუცია საკუთარ ტერიტორიებზე დევნილთა დაბრუნებას აღიარებს“, - ამის შესახებ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა გაეროს რეზოლუციის შეფასებისას განაცხადა.

მისივე თქმით, რეზოლუცია გაეროს გენერალურ მდივანს ავალებს, ყოველწლიურად გააკეთოს მოხსენება რუსეთის მიერ საქართველოს ოკუპირებული ტერიტორიებისა და დევნილთა მდგომარეობის შესახებ.

„გაეროს რეზულუცია ძალიან მნიშვნელოვანი ინსტრუმენტია, რადგან ის ეხება და აღიარებს დევნილთა დაბრუნებას მათ მიერ დატოვებულ ტერიტორიებზე, საიდანაც ისინი იძულებით იქნენ გამოსახლებულები. რეზოლუციის მნიშვნელოვანი ნაწილი არის ის, რომ ის ავალებს გაეროს გენერალურ მდივანს, ყოველწლიურად გააკეთოს მოხსენება ოკუპირებულ ტერიტორიებსა და დევნილთა მდგომარეობის შესახებ. ეს არის ინსტრუმენტი იმისთვის, რომ საერთაშორისო ორგანიზაცია მუდმივად იყოს საქმის კურსში, თუ რა ხდება ამ მიმართულებით და ეს არ მოხსნას დღის წესრიგიდან. რეზოლუცია სთხოვს ჟენევის ფორმატით დიალოგში მონაწილე ქვეყნებს და სუბიექტებს, რომ განსაკუთრებული ყურადღება გაამახვილონ დევნილთა საკითხებზე და მათ მდგომარეობაზე, დევნილთა უსაფრთხო დაბრუნებაზე საკუთარ ადგილებში“, - განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა