კოოპერატიული ბინათმშენებლობით დაზარალებულთა დასაკმაყოფილებლად, კიდევ ერთ ლოკაციაზე ინტერესთა გამოხატვა ცხადდება. ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა. 

მისი თქმით, ინტერესთა გამოხატვა მაჭავარიანის ქუჩაზე, 12 223 კვადრატული მეტრის მიწის ნაკვეთზე ცხადდება. 

„ეს ადამიანები წლების განმავლობაში სახელმწიფოსგან ბინებს ელოდებიან. მივიღეთ გადაწყვეტილება, რომ მათ ეს პრობლემა მოვუგვაროთ. ის 3500 ოჯახი, რომელიც ამ პრობლემის წინაშე დგას, საცხოვრებელი ფართებით დაკმაყოფილდება. კიდევ ერთ ლოკაციაზე - მაჭავარიანის ქუჩაზე ვაცხადებთ ინტერესთა გამოხატვას, იმისთვის, რომ პროცესში სამშენებლო კომპანიები, დეველოპერები ჩაერთონ. გამარჯვებული იქნება ის, ვინც  მერიას მინიმუმ  5000 კვადრატული მეტრის საცხოვრებელ ფართს გადმოსცემს, რათა ჯამში დაახლოებით, 80 ოჯახი დაკმაყოფილდეს“, - განაცხადა კახა კალაძემ. 

მისივე თქმით, კოოპერატიული ბინათმშენებლობით დაზარალებულთა დაკმაყოფილების გარდა, მერია სხვა გამოწვევების დაძლევაზეც მუშაობს. 

(NS)

ავტორი: ,

სოციალური ქსელები

ტრამპი: ირანის ხიდებსა და ელექტროსადგურებს დავარტყამთ, თუ მოლაპარაკებებს არ განაახლებენ

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია

უკრაინამ შავ ზღვაში რუსეთის ჩრდილოვანი ფლოტის 20 გემს დაარტყა

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება