"მოვილაპარაკეთ, რომ 11 ახალი სამარხი იქნება გახსნილი, როგორც სოხუმის ტერიტორიაზე, ისე საქართველოს დანარჩენ ტერიტორიაზე",-ამის შესახებ დევნილთა მინისტრმა სოზარ სუბარმა ჟურნალისტებთან საუბრისას განაცხადა. სუბარის თქმით, ეს მოლაპარაკებები საქართველოს და აფხაზეთის დე-ფაქტო ხელისუფლების წარმმადგენლებს შორის ერთადერთი ორმხრივი ფორმატია, სადაც სხვა მხარეები არ მონაწილეობენ.

"გასულ კვირას გვქონდა ძალიან მნიშვნელოვანი შეხვედრა აფხაზეთის დე-ფაქტო ხელისუფლების წარმომადგენლებთან, პირველი ვიცე–პრემიერის ხელმძღვანელიბით იყო დელეგაცია. ეს არის შეხვედრა,რომელიც წითელი ჯვრის ორგანიზებით ჩატარდა, რომელიც იხილავს ჰუმანიტარულ საკითხებს, ომში უგზო-უკვლოდ დაკარგული მეომრების, გადმოსვენებისა და გაცვლის საკითხებს. მოვილაპარაკეთ, რომ 11 ახალი სამარხი იქნება გახსნილი, როგორც სოხუმის ტერიტორიაზე, ისე საქართველოს დანარჩენ ტერიტორიაზე. 5 არის ენგურის გადმოღმა მხარეს, 6 კი ენგურის გაღმა მხარეს. უფრო მეტი დეტალებისგან ამ დროისთვის თავს შევიკავებ. თუმცა, რამდენიმე თვეში თქვენ გექნებათ გაცილებით მეტი ინფორმაცია, თუ როგორ მიდის პროცესი. ეს არის ერთადერთი ორმხრივი ფორმატი, რომელი არსებობს აფხაზეთთან, გარეშე მხარეების მონაწილეობის გარეშე",- განაცხადა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში