ოფიციალურმა კიევმა ორი მედიასაშუალება - Россия сегодня და РИА Новости Украина სამი წლით სანქციების სიაში შეიყვანა.

შესაბამისი დოკუმენტი უკრაინის პრეზიდენტის, პეტრო პოროშენკოს ოფიციალურ ვებგვერდზე გამოქვეყნდა.

აღნიშნული გადაწყვეტილების თანახმად, უკრაინელ ინტერნეტ-პროვაიდერებს - Россиясегодня.рф, Sputniknews.com, Ria.ru, Rsport.ria.ru, 1prime.ru, Realty.ria.ru და rian.com.ua საიტების დაბლოკვა ევალებათ.

ასევე უკრაინის პრეზიდენტის ბრძანებით, აღნიშნული სააგენტოების აქტივების ბლოკირება უნდა მოხდეს, მათ უნდა შეეზღუდოთ ან შეუწყდეთ ტელეკომუნიკაციის მომსახურებების გაწევა.

გარდა ამისა, უკრაინაში აკრძალული იქნება ინტერნეტ წვდომა რუსული სატელევიზიო არხების საიტებზე, როგორიცაა - rtr-planeta.com, russia.tv, vesti.ru, tvkultura.ru, digitalrussia.tv.

ცნობისთვის, 15 მაისს, უკრაინის უშიშროების სამსახური სახელმწიფო ღალატსა და ქვეყნის საწინააღმდეგო საინფორმაციო საქმიანობის ბრალდებით რუსული სააგენტოს, „რია-ნოვოსტის“ უკრაინული სამსახურის უფროსი, კირილ ვიშინსკი დააკავეს. აღნიშნულის გამო, რუსეთის ხელისუფლება უკრაინას ადამიანის უფლებების და ინფორმაციის თავისუფლების კუთხით, ევროპული ქარტიის დარღვევაში ადანაშაულებს.

ავტორი: ,

სოციალური ქსელები

დრონებმა რუსეთის ტულის რეგიონში მდებარე „აზოტის“ ქიმიურ ქარხანას შეუტიეს

Intelligence Online: თურქული კომპანიების ქსელი რუსეთის „ჩრდილოვანი ფლოტის“ ცენტრი ხდება

ვენესუელაში მომხდარი მიწისძვრის შედეგად დაღუპულთა რიცხვმა 230-ს გადააჭარბა

ნატო უკრაინისთვის 70 მილიარდი ევროს ღირებულების იარაღის მიწოდებას გეგმავს