ადამიანის უფლებათა დაცვის კომიტეტის თავმჯდომარე სოფო კილაძე დღეს პარლამენტთან ლგბტ ორგანიზაცია „თანასწორობის მოძრაობის“ მიერ გამართულ აქციას გამოეხმაურა, სადაც მის გადადგომას ითხოვდნენ.

როგორც კილაძემ აღნიშნა, მათი მხრიდან ჰომოფობიური განცხადება არ გაკეთებულა.

”ყველა ადამიანს აქვს უფლება ჰქონდეს აზრი და გამოხატოს ეს აზრი. ყველა ადამიანი არის ჩვენს ქვეყანაში დაცული კანონით, კონსტიტუციით და ბუნებრივია ჩვენი მოვალეობა არის დავიცვათ თითოეული ადამიანი. არავითარი ჰომოფობიური განცხადება ჩვენთან არ გაკეთებულა. დემონსტრაციის გამართვის უფლება აქვს ყველას თუ ის კანონის ფარგლებში ჯდება და აქიდან გამომდინარე ყველაფერი მიდის წესის და კანონის ფარგლებში”, - აცხადებს სოფო კილაძე

”ექსპრესნიუსის” მიერ დასმულ კითხვას - შეუერთდება თუ არა ის 17 მაისს ჰომოფობიასთან და ტრანსფობიასთან ბრძოლის დღეს, კილაძემ არ უპასუხა.

ცნობისთვის, „თანასწორობის მოძრაობის“ მხარდამჭერებმა პარლამენტის შენობასთან ადამიანის უფლებათა დაცვის კომიტეტის თავმჯდომარის, სოფიო კილაძის განცხადება გააპროტესტეს და მისი გადადგომა მოითხოვეს. ისინი კომიტეტის სხდომაზე დასწრებას და კილაძისგან ახსნა-განმარტებას ითხოვდნენ, თუ რატომ არ აპირებს ღონისძიების გამართვას 17 მაისს.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება