2018-04-30 14:35:27, 1443 ნახვა
კომენტარი
ვეს მიტჩელი - რაც მეტად ძლიერია საქართველო, მით მეტად ძლიერია დასავლეთი
რაც მეტად ძლიერია საქართველო, მით მეტად ძლიერია დასავლეთი, - ამის შესახებ აშშ-ის სახელმწიფო მდივნის თანაშემწემ ევროპისა და ევრაზიის საკითხებში ვეს მიტჩელმა ნატო-საქართველოს სახალხო დიპლომატიის ფორუმზე სიტყვით გამოსვლისას განაცხადა.
მისი თქმით, ნატოსთან პარტნიორობის შედეგად, საქართველოს აქვს აუცილებელი ინსტრუმენტები, რათა გააუმჯობესოს თავისი თავდაცვისუნარიანობა, ინსტიტუტები და ურთიერთქმედება ალიანსთან.
„ყველა ამ სფეროში ამერიკის შეერთებული შტატები მხარს უჭერს საქართველოს. ჩვენ უკვე 25 წელია გვერდში გიდგავართ. ჩვენი პარტნიორობა მტკიცეა. აგრესიის აქტის მე-10 წლისთავზე მე აღვნიშნავ თქვენი დამოუკიდებლობის მე-100 წლისთავს. გაუმარჯოს საქართველოს! გაუმარჯოს აშშ-საქართველოს მეგობრობას!", - განაცხადა ვეს მიტჩელმა.
![]()
ავტორი: ,
epn.ge (@expressnews.ge)
