2018-04-26 13:42:40, 1757 ნახვა
კომენტარი
კობახიძე: ივანიშვილის პოლიტიკაში დაბრუნება საკადრო საკითხებზე გავლენას არ მოახდენს
პარლამენტის თავმჯდომარის ირაკლი კობახიძის განცხადებით, ყოფილი პრემიერ-მინისტრის, ბიძინა ივანიშვილის პოლიტიკაში დაბრუნება, საკადრო ცვლილებებს არ გამოიწვევს.
„ეს გადაწყვეტილება არანაირ გავლენას არ მოახდენს სხვა საკადრო საკითხებზე, გადაწყვეტილებებზე, ყველაფერი რჩება ისე როგორც არის - პარლამენტის თავმჯდომარე, პრემიერი და ა.შ. საუბარია იმაზე რომ ბიძინა ივანიშვილი სათავეში ჩაუდგება პარტიას და ის პოლიტიკურ პროცესებში იქნება ჩართული, როგორც პარტიის თავმჯდომარე“, - აღნიშნა ირაკლი კობახიძემ.
ცნობისთვის, საქართველოს ყოფილი პრემიერ-მინისტრი ბიძინა ივანიშვილი პოლიტიკაში ბრუნდება. როგორც მოქმედმა პრემიერმა, გიორგი კვირიკაშვილმა დღეს გამართულ ბრიფინგზე განაცხადა, ივანიშვილი „ქართული ოცნების“ თავმჯდომარის პოსტს დაიკავებს.
![]()
ავტორი: ,
epn.ge (@expressnews.ge)
