„სოლიდარობა ტყიბულს!“ - ამ ლოზუნგით „აუდიტორია 115“ და არასამთავრობო ორგანიზაციები თბილისში აქციას მართავენ.

აქციის მონაწილეები მინდელის სახელობის შახტაში დაღუპულთა ოჯახებს სოლიდარობას უცხადებენ და შრომის უსაფრთხოების წესების გაუმჯობესებას ითხოვენ.

ისინი ეკონომიკისა და მდგრადი განვითარების მინისტრის, დიმიტრი ქუმსიშვილის პასუხისმგებლობის დაყენების საკითხზეც საუბრობენ და აცხადებენ, რომ მინისტრმა პოსტი უნდა დატოვოს.

„ახლა ბრძოლის დროა. თუ არ ვიბრძოლებთ, უფრო მეტ ადამიანს დავკარგავთ. თითოეული მეშახტე ყოველ დღე უყურებს სიკვდილს თვალებში და არ იციან, დაბრუნდებიან თუ არა ცოცხლები სახლებში. ეს არის დაუღალავი ბრძოლისა და წინააღმდეგობის დღე. არ წავალთ კომპრომისზე. პოლიტიკურ ელიტას უნდა გავაგებინოთ, რომ ასე აღარ გაგრძელდება. მათ ჩვენი უნდა ეშინოდეთ და ასევე უნდა ეშინოდეთ იმ მეშახტეების, რომლებიც ხმას ამოიღებენ. ყოველდღიურად უამრავი ადამიანი იღუპება და ეს სტატისტიკა შემზარავია. ეკონომიკური ელიტა გამოდის ცრემლებით სავსე თვალებით, შეწუხებული სახეებით და ამბობს, რომ აუცილებლად დამნაშავეები დაისჯებიან, თუმცა დასჯილ დამნაშავეებს ჩვენ ვერ ვხედავთ. დამსაქმებლები მუდმივად რაღაცებს იმიზეზებენ, ხანდახან ამბობენ, რომ მუშები არ იცავენ წესებს, ხან ამბობენ, რომ მოხდა მიწისძვრა, რომელიც სინამდვილეში არ მომხდარა. უნდა ამოვიღოთ ხმა, სანამ ყველა არ მომკვდარა“, - აცხადებენ აქციის ორგანიზატორები.

აქციის მონაწილეებს ადგილზე სხვადასხვა შინაარსის ტრანსფარანტები აქვთ მიტანილი - „სიკვდილის შახტა“, „ჩვენი სიჩუმე მუშას კლავს“, „შრომა აკეთილშობილებს, ჩვენთან კლავს“ და სხვა. აქციაში ასზე მეტი ადამიანი მონაწილეობს. სამოქალაქო აქტივისტები მსვლელობით თსუ-ს პირველი კორპუსიდან პარლამენტის შენობისკენ მიემართებიან. აღნიშნულის გამო, ნაწილობრივ გადაკეტილია მელიქიშვილის და რუსთაველის გამზირი. მოქალაქეების უსაფრთხოებას სამართალდამცველები იცავენ.

ამასთან, „აუდიტორია 115“-ის წევრებმა 11 აპრილს მორიგი აქცია დააანონსეს.

„ჩვენ არ დავიღლებით აქციების გამართვით. მზად ვართ ყოველდღე ან თუნდაც კვირაში ერთხელ გავმართოთ მსგავსი ტიპის აქციები“, - აცხადებენ „აუდიტორია 115“-ის წევრები.

ავტორი: ,

სოციალური ქსელები

კობახიძე- კასრების იმედზე რომ დაიწყეს ომი, იმიტომაც დაამთავრეს ორ დღეში მარცხით 2008 წელს

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია