პარლამენტის ვიც-სპიკერის თამარ ჩუგოშვილის განცხადებით, საჯარო რეესტრის ეროვნული სააგენტოს ხელმძღვანელის, პაპუნა უგრეხელიძის მიმართ გაჟღერებული ბრალდებების დადასტურების შემთხვევაში, კანონით გათვალისწინებული ზომები იქნება მიღებული.

როგორც ჩუგოშვილმა ჟურნალისტებს განუცხადა, სექსუალური შევიწროება ძალიან მძიმე ბრალდებაა.

"პირველ რიგში ვიტყვი, რომ სექსუალური შევიწროების ყველა ფაქტი, მით უმეტეს, როდესაც საქმე ეხება მაღალი თანამდებობის პირებს, ძალიან მძიმე ბრალდებაა. ვფიქრობ, რომ ყველა მათგანი და ეს კონკრეტული შემთხვევა აუცილებლად უნდა იყოს სათანადოდ შესწავლილი. ამ კონკრტულ ფაქტზე ინფორმაცია არ მაქვს, ვიცი მხოლოდ ის, რაც მედიით გაჟღერდა და მხოლოდ შემიძლია დავაფიქსირო ჩემი პოზიცია, რომ უნდა მოხდეს შესაბამისი მოკვლევა და მხოლოდ ამის შემდეგ უნდა მოხდეს გადაწყვეტილების მიღება. თუ ეს ფაქტი დადასტურდება, ასეთ შემთხვევაში შესაძლებელია კანონით გათვალისწინებული რეაგირებები იქნას გამოყენებებული", - განაცხადა თამარ ჩუგოშვილმა.

ცნობისთვის, საჯარო რეესტრის ეროვნული სააგენტოს ხელმძღვანელი, პაპუნა უგრეხელიძე რამდენიმე დღის წინ ყოფილმა თანამშრომელმა სექსუალურ შევიწროებაში დაადანაშაულა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს