პრეზიდენტის საპარლამენტო მდივნის ანა ნაცვლიშვილის განცხადებით, სამწუხაროა, რომ დღეს საქართველოს პარლამენტმა კვოტირების კანონპროექტს მხარი არ დაუჭირა.

"იმ პირობებში, როდესაც მოსახლეობის 50%-ზე მეტი ქალია, უმაღლეს წარმომადგენლობით ორგანოში კი, ქალები მხოლოდ 16 % -ია, ადგილობრივ თვითმმართველობებში კიდევ უფრო მძიმე მდგომარეობაა. ეს სურათი, უბრალოდ, უსამართლოა და აუცილებელია, მისი შეცვლა. სწორედ ამიტომ საქართველოს პრეზიდენტი უკვე წლებია საუბრობს კვოტირების შემოღების აუცილებლობაზე.

ეს იდეა აქტიურად იყო საზოგადოებაშიც, აქტიურად მუშაობდნენ ადამიანები და 30 000- ზე მეტმა მოქალაქემ შეაგროვა ხელმოწერა და მიმართა პარლამენტს, რომ ეს უსამართლო სისტემა შეცვლილიყო და ძალიან სამწუხაროა, რომ დღეს საქართველოს პარლამენტმა კვოტირების კანონპროექტს მხარი არ დაუჭირა", - აღნიშნა ანა ნაცვლიშვილმა.

შეგახსენებთ, რომ გენდერულ კვოტირებასთან დაკავშირებული კანონპროექტი პარლამენტის მხრიდან უარყოფილია. საქართველოს  ორგანული კანონის პროექტს „საქართველოს ორგანულ კანონში საქართველოს საარჩევნო კოდექსში“ ცვლილების შეტანის შესახებ  პირველი მოსმენით განხილვისას მხარი მხოლოდ 66-მა დეპუტატმა დაუჭირა.

უარყოფილ კანონპროექტს პარლამენტი  ახალი საკანონმდებლო ინიციატივის წესით  განიხილავს.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს