ამერიკის შეერთებული შტატების პრეზიდენტის ადმინისტრაციაში განმარტეს, თუ რატომ არ მიულოცა ამ დრომდე დონალდ ტრამპმა ვლადიმერ პუტინს არჩევნებში გამარჯვება.

როგორც თეთრი სახლის პრესმდივნის მოადგილე ჰოგან გიდლიმ განაცხადა, მათთვის არჩევნებში პუტინის გამარჯვება გასაკვირი არ ყოფილა.

„შედეგებით გაკვირვებული არ ვართ. ჩვენ ვიმუშავებთ რუსეთთან ურთიერთობების გასაუმჯობესებლად. თუმცა, დიდ ფასს გადავახდევინებთ იმ შემთხვევებში, თუ ჩვენს ინტერესებს საფრთხეს შეუქმნის“, - განაცხადა ჰოგან გიდლიმ.

მანვე დასძინა, რომ აშშ-ის და რუსეთის პრეზიდენტების სატელეფონო საუბარი დაგეგმილი არ არის.

ცნობისთვის, რუსეთში საპრეზიდენტო არჩევნები 18 მარტს ჩატარდა. არჩევნებში კვლავ მოქმედმა პრეზიდენტმა, ვლადიმერ პუტინმა გაიმარჯვა. რუსეთის ცესკოს ცნობით, პუტინმა ამომრჩეველთა ხმების 76.6% მიიღო.

ავტორი: ,

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები