პარლამენტში სკოლაში 5 წლის ბავშვის შეყვანის შესახებ კანონპროექტს კენჭს თავიდან უყრიან

2015-05-18 16:12:12, 348 ნახვა

საზოგადოება

პარლამენტში „ნაციონალური მოძრაობის“ წევრის კობა სუბელიანის მიერ ინიცირებულ „ზოგადი განათლების შესახებ“ კანონპროექტს თავიდან განიხილავენ.
საპარლამენტო უმცირესობის წევრმა სერგო რატიანმა ბიუროს აღნიშნული პროექტის განმეორებით კენჭისყრაზე დაყენების თხოვნით მიმართა.
„მეორედ მოსმენაზე თუ საკითხი ჩავარდება, ჩვენ შეგვიძლია საკითხი განმეორებით კენჭისყრაზე დავაყენოთ“, - აღნიშნა რატიანმა.
პარლამენტის თავჯდომარის მოადგილე ზვიად ძიძიგურმა განაცხადა, რომ სუბელიანის ინიცირებული პროექტი შემდეგ ბიუროზე შევა.
ცნობისთვის, კობა სუბელიანის მიერ ინიცირებული „ზოგადი განათლების შესახებ“ კანონპროექტის თანახმად, ბავშვს, რომელსაც 6 წელი 31 დეკემბრამდე უსრულდება, სკოლაში შესვლის საშუალება ექნება.
აღნიშნული პროექტი პარლამენტში პირველი მოსმენით გავიდა, მეორე მოსმენით კი ჩავარდა.