თბილისის მერი კახი კალაძე სიცრუეს უწოდებს ოპოზიციის მიერ გავრცელებულ ინფორმაციას, რომლის თანახმადაც, გუდიაშვილის სკვერის რეაბილიტაციასთან დაკავშირებით,  ხელშეკრულების გაფორმება ტენდერის გარეშე ხელისუფლებისთვის სასურველ კომპანიასთან იგეგმება.

კალაძის თქმით, საქმე ეხება გამარტივებულ შესყიდვას, რომლის  ფარგლებშიც ხდება რამდენიმე კომპანიის შერჩევა და რომელიმე ერთ პირთან ხელშეკრულების გაფორმება სიმართლეს არ შეესაბამება:

„ეს არის ტყუილი,არ დაიჯეროთ, არის ძალიან  დიდი სიცრუე, არანაირად ერთ პირთან არ ფორმდება. ეს არის გამარტივებული შესყიდვა. ეს ახალი არ არის და მე არ მომიგონია. გამარტივებული შესყიდვის დროს,  ხდება წინადადების დაგზავნა ბევრ კომპანიასთან,  ასევე სამსახური აკეთებს ექსპერტიზას, თუ რა ფასები უნდა იყოს  დაახლოებით და შესაბამისად ხდება რამოდენიმე კომპანიის შერჩევა. ვისაც აქვს შესაბამისი გამოცდილება, ვისაც უმუშავია ისტორიული ძეგლების რეაბილიტაციაზე და ა.შ. არანაირ ერთ პირთან ხელშეკრულების გაფორმება არ ხდება.ეს არის ძალიან დიდი ტყუილი და სიცრუე.დღეს ჩვენ არავის მივცემთ შესაძლებლობას, მოსახლეობა შეიყვანონ შეცდომაში.მაშინ, როდესაც მედია არის თავისუფალი და უამრავი შესაძლებლობებია იმისა, რომ ადამიანებს სხვადასხვა ფორმით მივაწოდოთ ინფორმაცია“,-განაცხადა კალაძემ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია