თბილისის მერის კახა კალაძის ინფორმაციით, ტაქსების რეგისტრაციასთან დაკავშირებული კანონპროექტი პარლამენტს უკვე წარედგინა.

მერის თქმით, აღნიშნულ საკითხთან დაკავშირებით მუშაობა ინტენსიურ ფორმატში მიმდინარეობს.

კალაძის შეფასებით, ტაქსებით მგზავრობა უნდა იყოს კომფორტული, როგორც ეს განვითარებულ ქვეყნებში ხდება.

"ტაქსების რეგულაციები ძალიან მნიშვნელოვანია. ეს იქნება ეტაპობრივი ცვლილებები. პირველი რაც უნდა გაკეთდეს ეს არის რეგისტრაცია, რომ ვიცოდეთ თუ რა რაოდენობოს ტაქსია თბილისში. დღეის მდგომარეობით არანაირი კვლევა არ არსებობს და არანაირი ციფრები არ გვაქვს, თუ რა რაოდენობა ტაქსი დადის დედაქალაქში. შესაბამისად მათი რეგისტრირება არის აუცილებელი. შემდეგი ეტაპები, მომდევნო წლების განმავლობაში შემოვა რეგულაციები. რომელიც აუცილებელია იმისთვის, რომ მოწესრიგებული იყოს ტაქსი, მოწესრიგებული იყოს მგზავრობა, როგორც ეს ნორმალურ, განვითარებულ ქვეყნებში ხდება",-განაცხადა კალაძემ.

კითხვაზე - ხომ არ შეამცირებს ტაქსების რეგისტრაცია და რეგულაციები სამუშაო ადილების რაოდენობას, მერმა აღნიშნა, რომ არა.

"არ მგონია, რომ სამუშაო ადგილები შესაძლოა შემცირდეს. ვისაც აქვს სურვილი იმუშაოს, შესაბამისად მათ ექნებათ ამის შესაძლებლობა. თუმცა იქნება რეგულაციები, სხვანაირად შეუძლებელია. პარლამენტში უკვე წაედგენილია ცვლილებათა პაკეტი. მუშაობა დაწყებულია და პარლამენტთან უახლოეს მომავალში ყველანაირი საუშაო დასრულებული იქნება",-დასძინა კალაძემ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია