რეგიონული განვითარებისა და ინფრასტრუქტურის მინისტრმა ზურაბ ალავიძემ ყოფილი პრემიერ-მინისტრის, ბიძინა ივანიშვილის მიერ შავი ზღვის სანაპიროდან ასწლოვანი ხეების საკუთარ დენდროლოგიურ პარკში გადატანის საკითხზე კომენტარი გააკეთა.

როგორც მან აღნიშნა, პროცესი ნორმების დაცვით მიმდინარეობს და არანაირი ეკოლოგიური კატასტროფის საფრთხზე არ არსებობს.

მინისტრი ირწმუნება, რომ ხეების გადატანის პროცესის დასრულების შემდეგ, რეკულტივაცია მოხდება და ყველა შესაბამისი ღონისძიება გატარდება.

„ჩვენ არ ვთვლით, რომ ამას მოჰყვა ეკოლოგიური კატასტროფა, ეს არის ტყუილი. დარწმუნებული ვარ, რეკულტივაციაც ხდება. პერიოდი აქვს რეკულტივაციას. როდესაც დასრულდება ეს ყველაფერი, დარწმუნებული ვარ, თავის ვალდებულებებს ყველა შეასრულებს. ნორმების დაცვით მოხდება ყველაფერი. რაც შეეხება მძიმე ტვირთების გადატანას, ზოგადად ქვეყანაში ასეთი ოპერაციები სულ ხდება შესაბამისი რეგულაციების დაცვით, განსაკუთრებული აქ არაფერია, ეკოლოგიური კატასტროფის საფრთხე არ დგას. რაც შეეხება რეკულტივაციას და იმ ღონისძიებებს, რაც არის გასატარებელი, დარწმუნებული ვარ ყველა ღონისძიება გატარდება და ძალიან ლამაზი გარემო დარჩება“, - აღნიშნა ალავიძემ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია