კრწანისის რაიონის გამგეობის ორგანიზებით, შობა-ახალი წლის დღესასწაულთან დაკავშირებით, ზემო ფონიჭალაში კულტურულ-გასართობი ღონისძიება გაიმართა.

ღონისძიებას თბილისის მერის მოადგილე ილია ელოშვილი კრწანისის რაიონის გამგებელ ლევან ჯაფარიძესთან და საკრებულოში კრწანისის მაჟორიტარ დეპუტატ თემურ გორგაძესთან ერთად დაესწრო.

თბილისის მერის მოადგილემ მოსახლეობას შობა-ახალი წელი მიულოცა და აღნიშნა, რომ მერია მსგავსი ღონისძიებების ჩატარებას მიესალმება.

„ვულოცავ მთელ თბილისს შობა-ახალ წელს. განსაკუთრებით კი, ვულოცავ კრწანისის რაიონს, ფონიჭალელებს. დღევანდელ ზეიმზე ძალიან დიდი სიხარულია და ჩვენც ძალიან გვიხარია“, - განაცხადა ილია ელოშვილმა.

რაიონის მოსახლეობას შობა-ახალი წელი ლევან ჯაფარიძემაც მიულოცა განაცხადა, რომ კულტურულ-გასართობი ღონისძიებები მოსახლეობისთვის მნიშვნელოვანია.

„მინდა კიდევ ერთხელ მივულოცო შობა-ახალი წლის დღესასწაული, როგორც კრწანისის მოსახლეობას, ასევე, მთელ თბილისს. მიმაჩნია, რომ მსგავსი ღონისძიებები ძალიან მნიშვნელოვანია ჩვენი მოსახლეობისთვის და მიხარია, რომ თბილისის მერიისა და კრწანისის რაიონის მიერ მოწყობილ ღონისძიებაზე ამდენ გახარებულ პატარას ვხედავ“, - განაცხადა კრწანისის რაიონის გამგებელმა.

ზემო ფონიჭალაში გამართულ საახალწლო ღონისძიებაში მონაწილეობა ქართული ესტრადის წარმომადგენლებმა მიიღეს. შესრულდა ასევე, იუმორისტული ნომრები და ცეცხლოვანი შოუ აკრობატების მონაწილეობით.

ღონისძიება ფოიერვერკითა და სასცენო შადრევნით დასრულდა. 

(NS)

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება