რუსეთი სირიაში სამხედრო-საზღვაო ბაზას გააფართოებს

2017-12-29 20:55:37, 3549 ნახვა

მსოფლიო

ვლადიმერ პუტინმა სირიის საპორტო ქალაქ ტარტუსში რუსეთის სამხედრო-საზღვაო ბაზის გაფართოების კანონს ხელი მოაწერა. შეთანხმების მიხედვით, რუსეთს უფლება აქვს ტარტუსში 11 სამხედრო ხომალდი განათავსოს, მათ შორის ბირთვული სამხედრო გემები.

შეთანხმების მიხედვით ტარტუსის ბაზა თავდაცვითია და რომელიმე ქვეყნის წინააღმდეგ მიმართული არ არის.
რუსეთი ვალდებულებას იღებს განახორციელოს ბაზის საზღვაო და საჰაერო დაცვა, სირია კი პასუხისმგებელი იქნება სახმელეთო დაცვაზე. რუსეთს ასევე შეეძლება განათავსოს დროებითი მობილური საგუშაგოები ბაზის მიმდებარე ტერიტორიაზე.

შეთანხმება 49 წლის ვადით იდება და მხარეების თანხმობის შემთხვევაში ვადა კიდევ 25 წლით გახანგრძლივდება. რუსეთის სამხედრო ობიექტები, ტარტუსში 1970-იანი წლებიდან არსებობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები