საქართველოს იუსტიციის სამინისტროს სსიპ „დანაშაულის პრევენციის ცენტრის“ დირექტორმა მოხალისეებთან შემაჯამებელი შეხვედრა გამართა.

თათია ხოჭოლავამ ახალგაზრდებს მოხალისეობრივ პროგრამებში აქტიური მონაწილეობისთვის მადლობა გადაუხადა და მათი ჩართულობის მნიშვნელობაზე ისაუბრა. თბილისის მედიათეკების გაერთიანების ნაძალადევის ფილიალში გამართულ შეხვედრას ნაძალადევის რაიონის გამგებელი ირაკლი ხელაძე დაესწრო, რომელმაც პროგრამის მონაწილეებს სერტიფიკატები გადასცა.

თათია ხოჭოლავას განცხადებით, მოხალისეობრივი პროგრამები/პროექტების მიზანი ახალგაზრდებში სამოქალაქო ცნობიერების ამაღლება, საზოგადოების საკეთილდღეოდ საკუთარი ნების საფუძველზე უანგარო შრომის იდეის პოპულარიზაცია, მოხალისეთა მიერ გაწეული შრომის წახალისება და პოპულარიზაციაა. მისივე თქმით, მოხალისეობის მხარდაჭერა ხელს უწყობს ახალგაზრდებს თავისუფალი დროის, ცოდნისა და უნარების გამოყენებით, თავიანთი წვლილი შეიტანონ საზოგადოებისათვის სასარგებლო საქმიანობაში.

იუსტიციის სამინისტროს სსიპ „დანაშაულის პრევენციის ცენტრი" ახალგაზრდებს მოხალისეობრივ საწყისებზე სხვადასხვა პროგრამას სთავაზობს. მათ შორისაა პროგრამა „მოხალისე“, რომელიც საქართველოს 19 ქალაქის იუსტიციის სახლებში მიმდინარეობს. პროგრამა „ორი თაობა“ კი - თბილისის ხანდაზმულთა პანსიონატში მიმდინარეობს, რომლის მიზანიც ახალგაზრდებში უფროსი თაობის მიმართ მზრუნველობისა და პასუხისმგებლობის გრძნობის განვითარებაა. ახალგაზრდებს, ასევე, საშუალება აქვთ ჩაერთონ კეთილმოწყობით და გამწვანებით ღონისძიებებშიც. ბოლო სამი წლის განმავლობაში სსიპ „დანაშაულის პრევენციის ცენტრს“ 4 ათასამდე მოხალისე ჰყავდა. ცენტრის ახალგაზრდული პროგრამების მიმართულებებია: ახალგაზრდებში ჯანსაღი ცხოვრების წესის პოპულარიზაცია; შემოქმედებითი ინიციატივების განვითარება; მოხალისეობის მხარდაჭერა; სამართლებრივი/სამოქალაქო ცნობიერების ამაღლება და სხვა.

(NS)

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი