ფრაქცია „ქართული ოცნების“ თავმჯდომარე მამუკა მდინარაძე საპარლამენტო უმრავლესობაში დამატებით ორი ფრაქციის შექმნის მიზანს კიდევ ერთხელ განმარტავს:

„თითოეული დეპუტატის მეტი ჩართულობისათვის საკანონმდებლო პროცესში და პოლიტიკური გადაწყვეტილებების მიღების პროცეში, ჩვენ გადავწყვიტეთ, რომ კიდევ 2 ფრაქცია შექმნილიყო. იქნება 7 და 11 კაციანი ფრაქცია. მათში შემავალი დეპუტატები არ არიან მხოლოდ ძირითადი, დიდი ფრაქციიდან. სხვა ფრაქციებიდანაც გადანაწილდნენ და გარკვეული გადაჯგუფება მოხდა ამ მიმართულებით, იქნება თემატური ჯგუფები, მაგალითად ერთ-ერთ ფრაქციას დაერქვა ძლიერი ეკონომიკა და ამ მიმართულებით იმუშავებენ და ეს ყველაფერი მართლაც შეუწყობს ხელს, რომ დეპუტატები მეტად იყვნენ პროცესებში ჩართული”,-განაცხადა მდინარაძემ.

რაც შეეხება ფრაქციების შექმნით ხარჯების გაზრდის საკითხს, მდინარაძე ამბობს, რომ ამ თემაზე არასწორი ინფორმაცია ვრცელდება:

„აბსოლუტურად არასწორია ის, რომ ეს რაიმე ძირეულ ცვლილებებს გამოიწვევს ხარჯებში, რადგან ხარჯები დამოკიდებულია დეპუტატების რაოდენობაზე, ამის მიხედვით განისაზღვრება როგორც სამივლინებო, ისე აპარატის ხარჯები ფრაქციებში. ამიტომ, ხარჯებთან მიმართებით რაიმე განსაკუთრებული ცვლილებები არ იქნება ფრაქციების შიგნით”, -აღნიშნა მამუკა მდინარაძემ.

ავტორი: ,

სოციალური ქსელები

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .