უკრაინის პროკურატურა მიხეილ სააკაშვილს დაკითხვაზე განმეორებით დაიბარებს

2017-12-18 15:00:10, 2480 ნახვა

მსოფლიო

უკრაინის გენერალურმა პროკურატურამ „ახალი ძალების მოძრაობის“ ლიდერ მიხეილ სააკაშვილს, გამოძიებასთან თანამშრომლობისკენ კიდევ ერთხელ მოუწოდა.

ამის შესახებ გენერალური პროკურატურის წარმომადგენელი ანდრეი ლისენკო Facebook-ის საკუთარ გვერდზე წერს:

„სააკაშვილის მიერ დაკითხვაზე უარის თქმის გათვალისწინებით, საგამოძიებო პროცედურული ქმედებების განსახორციელებლად პროკურორი უფლებამოსილია ეჭვმიტანილს განმეორებით გაუგზავნოს დაკითხვაზე გამოძახების ცნობა“, - განაცხადა ლისენკომ.

კიდევ ერთმა პროკურორმა ალექსანდრე გორორუშჩაკმა News One- ის ეთერში განაცხადა, რომ სააკაშვილი ხმაზე ფონოსკოპიური გამოკვლევისთვის იყო დაბარებული.

„დაკითხვაზე მიხეილ სააკაშვილი სასწრაფო და აუცილებელი საგამოძიებო პროცედურების ჩასატარებლად დაიბარეს. კერძოდ, საჭიროა ფონოკოსკოპური გამოკვლევის ხმის ექსპერიმენტული ნიმუშების მიღება, რათა გამოძიებამ დაადასტუროს ვიდეოზე სააკაშვილის ხმა. მაგრამ დღეს, მიხეილ სააკაშვილმა გამოძიება ჩაშალა, ის მხოლოდ საგუშაგოსთან მივიდა და უარი თქვა შემდგომი გამოძიების ჩატარებაში მიეღო მონაწილეობა", - განაცხადა პროკურორმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები