2015-05-07 15:53:41, 473 ნახვა
პოლიტიკა
ნაციონალურმა მოძრაობამ საფინანსო–საბიუჯეტო კომიტეტის სხდომა დატოვა
ფრაქცია „ნაციონალური მოძრაობის“ წევრებმა საფინანსო–საბიუჯეტო კომიტეტის სხდომა დატოვეს.
სხდომაზე მთავრობის ახალი შემადგენლობის ეკონომიკური გუნდის წარმომადგენლებს უნდა მოუსმინონ.
როგორც სხდომის დატოვებამდე „ნაციონალური მოძრაობის“ წევრმა ზურაბ ჯაფარიძემ განაცხადა, მათ სხდომა იმ მიზეზით დატოვეს, რომ მინისტრებთან კითხვის დასასმელად მცირე დროა გამოყოფილი.
ჯაფარიძის თქმით, მინისტრებს კითხვებს საპარლამენტო უმცირესობის სხდომაზე დაუსვამენ.
„გაერთიანებული 4 კომიტეტის სხდომაა და უნდა მოვუსმინოთ 5 მინისტრს. მემგონი 1 საათი მაინც იყოს მინიმუმ დრო, 5 თუ 6 მინისტრს თითო კითხვა მაინც დავუსვათ. რადგან ამის შესაძლებლობა არ არის, ჩვენ ჩვენს კითხვებს მინისტრებს უმცირესობას სხდომაზე დავუსვამთ“, – აღნიშნა ზურაბ ჯაფარიძე.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
