კარლეს პუჩდემონი კატალონიის არჩევნებში მიიღებს მონაწილეობას

2017-11-18 13:40:18, 2728 ნახვა

მსოფლიო

კატალონიის ყოფილი მეთაური კარლეს პუჩდემონი რეგიონში 21 დეკემბერს დაგეგმილ არჩევნებში მონაწილეობას მიიღებს, - ამის შესახებ DW იუწყება.

მედია საშუალების ინფორმაციით, პუჩდემონი რეგიონალურ არჩევნებში კენჭს პარტია "ერთად კატალონიისთვის" სახელით იყრის. ის პარტიული სიის პირველი ნომერი იქნება.

გარდა ამისა, არჩევნებში გენერალიტეტის 13 ყოფილი წევრიც მიიღებს მონაწილეობას, მათ შორის უკვე დაკავებული წევრები არიან.

მედიის ცნობით, ჯერჯერობით ძნელია იმის თქმა, თუ ვინ მოიპოვებს ხმათა უმრავლესობას. აღსანიშნავია, რომ მთავრობის ყოფილი წევრების ოპონენტები იქნებიან ის პოლიტიკოსები ვინც კატალონიის დამოუკიდებლობას ეწინააღმდეგებიან.

ცნობისთვის, კატალონიაში რეგიონალური არჩევნები 21 დეკემბერს გაიმართება. მათი დანიშნვის აუცილებლობა მას შემდეგ დადგა, რაც ქვეყნის პრემიერ-მინისტრმა მარიანო რახოიმ კონსტიტუციის 155-ე მუხლი აამოქმედა და რეგიონს ავტონომია ჩამოართვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები