„მოხარულნი ვართ, რომ EBRD-ის ყოველწლიური შეხვედრა საქართველოში ჩვენი ხელისუფლების პირობებში ტარდება - ამის შესახებ პრემიერ-მინისტრმა ირაკლი ღარიბაშვილმა თბილისში დაგეგმილი ღონისძიების კომენტირებისას განაცხადა.
მისი თქმით, შეხვედრის ფარგლებში სპეციალური საინვესტიციო საბჭოც შეიქმნება.
„აქამდე კავკასიის არცერთ ქვეყნაში არ ჩატარებულა EBRD-ის ყოველწლიური შეხვედრა. ჩვენ  ვართ მოხარულნი, რომ EBRD-მა სწორედ საქართველო შეარჩია და ღონისძიება თბილისში სწორედ ჩვენი ხელისუფლების პირობებში ტარდება. ეს არის ნდობის გამოცხადება ჩვენი ქვეყნისათვის, ვინაიდან ისინი აფასებენ პროგრესსა და რეფორმების კურსს. ჩვენი ბიზნესსექტორი აქტიურად  იქნება ჩართული ღონისძიებებში და ეს კარგი შესაძლებლობაა, რომ მოხდეს საქმიანი შეხვედრები, კონტრაქტების გაფორმება. ეს არის უნიკალური შესაძლებლობა ქართული ბიზნესისათვის და ზოგადად ქვეყნისათვის. ძალიან ბევრი პროექტი იქნება განხილული და ღონისძიების ფარგლებში საქართველოს მთავრობისთვის EBRD-ის საინვესტიციო საბჭოც შეიქნება“, - განაცხადა ირაკლი ღარიბაშვილმა.
შეგახსენებთ, EBRD-ის  ყოველწლიური შეხვდრის საორგანიზაციო სამუშაოები პარლამენტისა და მოსწავლე-ახალგაზრდობის სასახლის ტერიტორიაზე პრემიერ-მინისტრმა ირაკლი ღარიბაშვილმა და პარლამენტის თავმჯდომარე დავით უსუფაშვილმა მთავრობის წევრებთან ერთად დაათვალიერეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება